1. |
Öppis mit Mänsche
03:05
|
|||
S Augebrauepiercing hät er vor me halbe Johr mol usegnoh
An Gel i de Frisur isch er etz gwöhnt, die treit er neuerdings au im Uusgang so
We da Parfüm wo noch Vanillepudding schmöckt und eim öppis im Chopf döt hinne links lähmt
So schtoht er do am Trese mit sim vierte Gummibär, luegd sich d Szene aa und gähnt
Er hät en Bart, aber en pflegte, wel i de Sunntigs-Ziitig gschtande isch, da seg de heissi Scheiss
Mängi säged, er gliich em Johnny Depp, aber er gseht uus wenen junge Joseph Deiss
Mails, wo wänd Tibeter oder Delphin rette, schickt er wiiter a all sini Fründ
D Fotene vom Geburtstag hät er uf Facebook glöscht, er hät do so sini Gründ
I füüf Johr isch er Human-Resource-Abteiligsleiter
«Öpper we Sii find bald en neue Job», seit er
«Öppis mit Mänsche, vilicht als Nachtzugbegleiter»
Mängmol rägnets und mängmol ischs heiter
A Electropartys git er sich mit de Jungs mängmol recht derb de Rescht
Zum Kuschle mit de Fründin ufem Ikeasofa nimmt er Coldplay oder Johnny Cash
Er hät ufghört rauche und er jogged etz chli meh und er goht au chli go fitte
Sin Intimtrimmer seg uf segs Millimeter igschtellt, seit er grad einere und luegt uf ihri innere Wert
I füüf Johr isch er Human-Resource-Abteiligsleiter
«Öpper we Sii find bald en neue Job», seit er
«Öppis mit Mensche, vilicht als Nachtzugbegleiter»
Mängmol rägnets und mängmol ischs heiter
|
||||
2. |
Blondi
02:57
|
|||
Er git mer sogar Wurscht
Debii isch er en Vegetarier
Er schtreichlet mer de Chopf, krault mer i de Hoor
S git Lüüt wo säged, er seg bös, aber da isch so nid wohr
Er git mer mängmol Schlääg
Well au ich nid immer nu kusch
Dänn totts em leid, er truckt mich und ä Träne
Lauft em übers Gsicht, au er bruucht öpper zum Aalähne
Er schpillt nu no mit mier
Er bringt mich noch is Grab
Schpillt nu no mit mier
Da bringt mich no is Grab
Er git mer sini Liebi
Niemer weiss we schön da da isch
Und en chline Teil vo ihm steckt au i mier inne
Nid nu wämer Gassi gönd bin ich vorne und er hinne
Er schpillt nu no mit mier
Er bringt mich noch is Grab
D Eva loht en chalt
Und au suscht goht alles bachab
Blondi, min Name we d Bänd, mini Hütte isch underem Bode
Er isch und bliibt min Boss, au mit nu eim Hode
Er git mer sogar Wurscht
Debii isch er en Vegetarier
|
||||
3. |
Parmesan
03:32
|
|||
Wäme id Händ klatscht, tönts hohl, aber Klatschä, na ja
D Löcher i de Wänd sind alli gfüllt mit Zahpaschta
S gitt nüt, wo mi furtzieht, nüt wo Grund wär zum Bliibe
Ziit isch wenen Chlotz Parmesan zum Riibe
Im Egge chli alte Schtaub, de Heizkörper isch no lauwarm
Alles wo übrigbliibt, isch dä Karton volle Kram
S wäär Ziit zum goh jetz, ich bi d Unrueh im Getriebe
Ziit isch wenen Chlotz Parmesan zum Riibe
D Schlüssel liged uf em Tisch, ein hani moll verlore
Und wäni zur Tür uus bi, fühli mi en Moment wie neu gebore
Da ander Gfühl isch au do, und loht sich nid vertriibe:
Ziit isch wenen Chlotz Parmesan zum Riibe
S gitt sonen Dreck, wo chläbet, dä bringt me nümme weg
Mängmol tänki, da alls do isch öppis wenän grosse Gag
Lueg nomoll do use uf d Welt, dur glasklari Schiibe
Ziit isch wenen Chlotz Parmesan zum Riibe
Woni do iizoge bi, isch alls no neu gsi i dem Bau
Jetzt gheit Türe zur Angle uus, und alli Wänd sind grau
Mä häts chöne mache, oder häts chöne versiibe
Ziit isch wenen Chlotz Parmesan zum Riibe
To grad so, als würdi i de Dämmerig is Ungwüsse goh
Debii weiss i ganz genau, wa alls Nöchschts wird cho
Ich ha zwor gchünndet do, aber ich mo doch no bliibe
Ziit isch wenen Chlotz Parmesan zum Riibe
|
||||
4. |
Uneasy
04:06
|
|||
Cha träumt, ich seg en Gloon im H&M
Und tramp mer schtändig uf de Schlips
D Perüggä schtinkt und drunter bissts
D Schminki lauft abe, weli so schwitz
Cha träumt, ich seg en Gloon im H&M
Laufe-n-im Kreis schtatt us de Türe
Di grossä Schueh bliibed am Bode chläbe
Dä Huusdedektiv nimmt d Nagelfiile fürä
Cha träumt, ich seg en Gloon im H&M
Mini müede Witzli sind umzinglet
Hau mitem Plastichammer wiiter uf d Chöpf
Wo gähned, debi isch min Pulli luschtig gringlet
Us dem Traum verwachi glaub nümm
Und da macht mer Sorge
Drum bini uneasy wenen Sunntigmorge
Cha träumt, ich seg en Gloon im H&M
Und schtolpere über di eigene Füess
Ghei halb in Grabbeltisch mit rosa Tops
Zwei Girls säged «Jöö!» und finded da süess
Cha träumt, ich seg en Gloon im H&M
Und d Hose rutscht mer ab de Huft
Zum Glück gohts ab jetz no genau 12 Minute
Und alles do flüügt mit mir id Luft
Us dem Traum verwachi glaub nümm
Und da macht mer Sorge
Drum bini uneasy wenen Sunntigmorge
|
||||
5. |
Gang ab
04:13
|
|||
Us gschickt verschteckt ufghänkte Böxli
Lauft liislig liechti Klassik
De Teppich isch tick und tunkelblau
D Belüchtig indirekt und mich tunkts vom Konzept her zimmli schlau
Gang de Gang ab und en Punk wo seit, er heg sit 77
Sini Ideal nie verrote chunnt mer entgägä
A sim Arm e Frau im Deux-Pièce wo grad seit: «Hey!
Da wär doch dä pärfäkt Ufhänger für en Brand für dini neu Band!»
Gang de Gang ab und ä Päärli, ganz äng Arm in Arm
Ganz gross und ganz chli, chunnt mer entgägä
I de Auge vo de Chliine isch sone grossi Angscht
Da alles scho chönnt verbii si, wa sie näbed sich no feschthebet
Gang de Gang ab und si, wo seit, s heg schön uusgseh
Irgendwie we Wiehnachtsschmuck, chunnt mer entgägä
S heg glitzeret am Früehligshimmel
Seg abegheit uf d Schtatt und ihren Verlobte
Us gschickt verschteckt ufghänkte Böxli
Lauft liislig liechti Klassik
De Teppich isch tick und tunkelblau
D Belüchtig indirekt und mich tunkts vom Konzept her zimmli schlau
Gang de Gang ab und zwei wo grau im Gsicht sind
Wells öppis Schlächts ggässe händ, chömed mer entgege
S isch z gross und z schwär gsi und liit ne immer no uf
Sit sibe Johr, wo d Wält no rund treit hät und bunt gsi isch
Gang de Gang ab und ein mit me wundglachte Gsicht
Streckt sin Finger uus i mini Richtig, chunnt mer entgege
Hinder ihm gumpeds uf und ab im Takt
I goldige Ländeschürz, tanzeds a mir verbii und schprützed mit Schuumwii
Und us gschickt verschteckt ufghänkte Böxli
Lauft liislig liechti Klassik
De Teppich isch tick und tunkelblau
D Belüchtig indirekt und mich tunkts vom Konzept her zimmli schlau
Gang de Gang ab und än Clerk i sonre Uniform
Dunkelrot mit Kordle dra, chunnt mer entgege
Und er seit: Wiiter gohts nid, dött vorne häts nume en Notusgang,
Wos vorme halbe Johr mol zuegmuuret händ – jetz schtönd dött frisch verbutzti Wänd
|
||||
6. |
Blau
03:18
|
|||
Mann, ich ha schöö gschissä, so gsehts uus
Hani gseit noch dänä SMS
Verdauig guet, alles guet
Häts dänn gseit under däre Frisur
Wild we die vom Gilbert Gress
Mann, z wiit und z tüüff und z fescht
Da alls und 85 Grad Fieber
So chrank isch da gsi mit dier und mier
Und etz wos fertig isch, obwohls gar nie aagfangä hät
Ha di fascht no chli lieber
Dä Himmel isch blau, ich au
Mann, loh mich mol anä, ich zieh die Chischtä ufä
Nochricht an Tower: S isch wider alls im Lot
S isch wieder Teichli inä, Teichli usä
Hami grad in Finger gschnittä und ich glaub
Ich gseh jetz doch no rot
Aber: Dä Himmel isch blau, ich au
Dä Himmel isch blau
|
||||
7. |
Disco Blues
03:18
|
|||
Ich schpill E-Dur-7 und sing über Sache wo nid guet sind am Zmorgetisch
Über seelischi Zerschtörig, gschpieglet imne gigantische Kater
Über sie wo seit «Ich gang» und über Liebi wo nid goht
und immer singt dezue de Johnny Cash
Und über d Crazyness vo Fischschtäbli zum Zmorge
noch me wiitere Wuchenend-Crash
Ich schpill E-Dur-7 und sing über Sache wo nid guet sind am Zmorgetisch
Über weichi Eier druff und drunder, härti Baguette dinne und dusse
Drüber dass es so nid wiitergoht, doch niemer hätt en Plan,
wo besser isch
Ussert mir, aber ich sing grad über Sache wo nid guet sind
am Zmorgetisch
Gang doch lieber mol id Disco
Dänn würds der nid immer so mies goh – Gang go tanze
Dänn würds der nid immer so mies goh
Gang doch lieber mol id Disco – Gang go tanze
Ich schpill E-Dur-7 und sing über Sache wo nid guet sind am Zmorgetisch
Übers A und O und B sägä und Chlammere, wo uuf- und zuegönd
Über e Sackgass ohni Änd und übers Änd vo allem, wo eim wichtig isch
Nid zletscht au s Änd vo däne Sache, wo nid guet sind do und überall
am Zmorgetisch
Bliib doch lieber i de Disco
Dänn würds üüs chli weniger mies goh
Bliib doch lieber i de Disco – Bliib am tanze, schön schtumpf
Und schüttle din Rumpf
|
||||
8. |
Cräckpfiife
03:04
|
|||
Mach wider en Pack uf mit schpanische Nüssli
Luegs Ablaufdatum aa, da goht grad no
Papierschlange tanzed im Wind zum Barry Manilow
Moijtos schtönd halbvoll uf de Feschtbänk
De Chugelgrill raucht näbeddraa im Gras
S schmöckt noch Serbela und Bratwürscht und Schnaps
und noch me grosse Schpass
Aber s rägnet i miis Glas voll Bier
Und d Würscht werded füecht ufem Füür
D Gäscht sind scho lang hei
Ich weiss nümme, wani fiier
Lääri Dose schtönd ufgreit we Soldate
Ä tots Wäschpi liit im Herdöpfelsaloot
D CD gumpet, wett dass immer so wiitergoht
Gschprützte Wiisse hämmer trunke und chli tanzet
Zunre Version vo «The Long And Winding Road»
Da isch scho lang her, etz truck mer no chli meh Senf
ufs letscht Schtuck Brot
Und es rägnet i miis Glas voll Bier
Und d Würscht werded füecht ufem Füür
D Gäscht sind scho lang hei
Ich weiss nümme, wani fiier
S rägnet i miis Glas voll Bier
Du häsch gseit, du hegsch no paar T-Shirts bi mier
Und er hät dich ghebet und ä Fläschä z tüüre Rotwii
Und hät gseit mier chönnted doch au chli Fründe sii
Wo isch mini Cräckpfiife?
Mini Cräckpfiife!?
|
||||
9. |
Flickstübli
02:24
|
|||
Ganz zusserscht usse, a de Schtross wonich wohne
Häts en chline Lade, ich weiss nid, we sich da cha lohne
Dött schaffet d Stephanie, neit Chnöpf aa und loht mer d Hose uus
Büetzt de Schlanz i miner Lieblingsjagge, jo si chunnt würkli druus
Ganz zusserscht usse, a de Schtross wonich lebe
Isch än chline Lade, binen Schtammchund dött, wel so bini äbe
Dött schaffet d Stephanie, und ich cha glücklich sii, dass si da macht
Und fasch für nüüt und eifach guet, si schaffet Tag und Nacht
Und äs L vom Flickstübli-Schriftzug
Isch scho lang mol abegheit
Ich weiss nid, öbsis weiss
Hanere nie öppis gseit
|
||||
10. |
Notkredit
02:41
|
|||
D Krise chunt grad i mim Schlofzimmer aa
Downgsizte Konzern, en Teil isch plötzlich nümmä doh
S Filetschtuck, we mä so seit – cha chuum ohni überläbe
Und si fanged scho aa, alli Schilder z überchläbe
D Krise chunt grad i mim Schlofzimmer aa
Kapazitäte werded frei, woni nüt demit aafange cha
«De Märkt schpilt», heissts immer, dänn loh üüs doch wiiterschpile
Well gäg dä Phantomschmerz, do hilft ken Grüntee und kei Pille
Ich bruch en Notkredit us em Krisefonds
Damits cha wiitergoh
Notkredit, Notkredit!, Notkredit!
D Krise chunt grad i mim Schlofzimmer aa
Z volli Lager zermürbed de zueversichtlichscht Maa
Dä Verluscht isch massiv, er goht eim voll a d Niere
Ich ligg im Bett und tänk a sie und tänk as Fusioniere
Ich bruch en Notkredit us em Krisefonds
Damits cha wiitergoh
Notkredit! Notkredit! Notkredit!
|
||||
11. |
1 zu 1
01:35
|
|||
Bau miis Läbe mit Zundhölzli noh
We die wo Modell vom Schloss Chillon zämechläbed
Bau mis Läbe mit Zundhölzli noh
Im Massstab 1:1
Wänns fertig isch, dänn zündis aa
Und broot mer drüber än Serbila
|
Papst & Abstinenzler Schaffhausen, Switzerland
They're irascible, edgy, sentimental, confrontational, poetic – and fiendishly delightful.
In case you can't
fully understand their regional linguistics. P&A is a band from Schaffhausen, Winterthur and Zurich, that grey triangle of serious foggy winter depression which might give a clue in explaining their state of mind. Their thing is rock with a hug to chansons, 60s pop and stoic krautrock.
... more
Streaming and Download help
If you like Papst & Abstinenzler, you may also like:
Bandcamp Daily your guide to the world of Bandcamp